TINATAYANG mahigit P11.4 milyon halaga ng fully grown marijuana plants ang binunot at sinunog ng mga operatiba ng PNP Drug Enforcement Group (PDEG) at Police Regional Office-Cordillera Administrative Region (PRO-CAR) sa isinagawang marijuana eradication operation o Oplan Pat-ut sa Barangay Loccong, Tinglayan, Kalinga.
Ayon sa ulat, nasa 57,000 fully grown marijuana plants ang nadiskubre ng mga awtoridad sa isang liblib na marijuana plantation na may lawak na humigit-kumulang 3,800 square meters.
Isinagawa ang operasyon sa pakikipagtulungan ng Philippine Drug Enforcement Agency (PDEA) Cordillera Administrative Region–Kalinga Provincial Office, Regional Mobile Force Battalion 15, 3rd Mobile Company, 111th Special Action Company, 11th Special Action Battalion ng Philippine National Police-Special Action Force, Provincial Intelligence Team Kalinga, Kalinga Provincial Drug Enforcement Unit, Bureau of Jail Management and Penology (BJMP) Kalinga District Jail, at Tinglayan Municipal Police Station.
Wala namang naarestong maintainer o cultivator sa operasyon.
Patuloy ang imbestigasyon ng mga awtoridad upang matukoy ang mga nasa likod ng malawakang pagtatanim ng marijuana sa kabundukan ng nasabing lugar.
(JESSE RUIZ)
91 
